Tunlai chu, zoram han chuanchhuah takah chuan AIR FM Lunglei ka ngaithla thin a, delhi phai lam atanga hriselna lam programme, mizo tawng thluk nalh 'deuh deuh' a an rawn tihchhuah thin zing karah ka ngaithla bawk thin. Hriselna leh eitha an ngai pawimawh a, ngaih pawimawh awm reng pawh a ni. Ka post hian chu nen chuan inkungkaihna chiah nei lo mahsela, a pawimawhna tih lan thar nan ti khian a hming ka han phuah ve leh tawp mai a ni.
Nia hrisel tur chuan ei that a pawimawh a, ei tha tih han thih khan zu tha leh sa tuihnai mai a ni lo. Kut hnathawtu in a rim taka a tharchhuah thlai leh hnah hring te leh thei rah te hi chaw tha chu an ni tih kan hai awm lo ve. Mizote pawh a taima fal leh dawn thui deuh te chuan huan ram siam in rim taka thawk in thlai thar duh anga fresh lei tur thahnem tak an tharchhuak ve ta a nih hi. Heng te hi ei tam hi intihhmuh hi a tha hle ang. Thawk rim leh taima te chu sawrkar pawh in a duhsaka, an hmalaknaah nasa takin a pui ni ngei tur a ni.
Hmanni chu Saikuti Hall, Lungleiah agriculture leh a behbawn hmalakna te entirna a awm a, ka va kal ve a. A hmun a uap deuh bawka thlai leh thei te chawhnu lamah chuan an lo uai deuh tawh na a, an itawm hle tho mai. Kut hnathawktute thawhrimna rah hian kan ram a dinchhuahpui thei angem tih chu chhan ka tum lo. Kan ramah hian a tumruh zual te tan chuan huan thlai siam hian hrawk erawh a chawm theih ka ring. Heng thlai thar te hi an hrisel hmel hle, hriselna leh eitha kan ti bawk a, ei teuh teuh mai tur. Thil entir thenkhatte hi lo thlir ve mai mai ta che u.
A Hmun, Saikuti hall. Meizuk an khap tih pawh a lan khi, hriselna lam kawngah chuan nasa takin kan pen zawng a ni ngei mai. Thlalak hnuai lamah hian 'chhip sen nei' pawh an awm tih kan hmu thei awm e.
Buh chi hrang hrang an lo pho lang a, hmui tak tak te pawh a awm ve ngei ang. Thermocol thleng a pho lo in thlangra emaw han hmang ngei mai sela chuan a thlir a nuam lehzual ngei ang le.
Chawhmeh tur atan zikhlum. A lian tha thawkhat khawp mai, tehfung atan ka pen pai lai chu a bulah kan thal ve thla rawk a.
Sa tel lo chuan chawei a tui tak tak lo aniang! Ram pawn lam atanga chawk luh vai ar leh thlahpawlh ar dazat hi kan uar ta hle. An than a tha a, an puitling hma, sa pawh a hlawk nge nge. Paikawng a chhin erawh khi chu kawl-ar a ni in ka hria. Ti lo deuh khian ar te khi ar-chhiarah dan ta zawk se te ka ti a.
Chawhmeh bawk. Pu Caribou an mai that zia han ziak teh se.
Salad atan a itawm hle. Hetiang hian kan thil eiah roughage a siam a, pumpui eh ril tan a tha an ti. Daikal thlengin thil a ti awlsam. Ei tam a tha hle.
Chawei kham lama 'kawdam' tur pawh kan thar ve zel chu anih hi. kum 2011-12 zet phei chu Mizoram in serthlum kan thar tha a, ka pian a hnu lama serthlum ka la ei tam ber kum a ni hial in ka hria. A lian tha pem pawm hle, ka kutzungpui hi a lian ve thawkhat fu ania aw!
Balhla pawh hi kan rama kan neih ang hi chu duhthusam a ni ringawt mai.A kunga a han hmin eng tak mai phei hi chu aw, hnamdang te hian an it thei thin teh a sin.
A duh tan chuan fu thlengin a in tung thut mai. Fu tial chang fan thlarh mai han feh hi chu nuam ve tak a ni. Fu hi chaw tha bawm an ti tlat pek a, a hman na kan la hriat tlem vang te pawh a nia nge. Fu tui leh a chu ta tang a thil siamchhuah te chu ..... han sawi zawm ve mai teh khai. Fu hi phelsep tah behchhan in han tlar fur mai sela te ka ti rilru a.
Hei hi kan sawi nasat em em 'Oil-palm rah chu a ni, taima taka bei chuan hlawhtlin pui mawlh rawh se tih hi ka duhthusam a ni.
Bonsai, Siam leh enkawl ka peih hauh loh, ka duh ve em em si, hmuhnawm chi khat hi a ni ringawt mai. Taima taka bei tu te tan a eizawnna tling a ni tlat, ka fak khawp mai. A man pawh a to talh mai.
Heng bakah hian pangpar chi hrang hrang, rubber, silk worm, thlai chin na hmanrua leh khawl hrang hrang te entir a ni bawk. Heti lam kawnga eizawng tan chuan bengvarthlak tak a ni. Kei pawh silk siam dan ilo zawt chiang in darkar chanve dawn ngawt ka khawtlai ta a nih kha.
A tawp nan, hei hian he exhibition hi a khaikhawm thei maiin ka hria.
"Hnathawk lo chuan ei pawh ei suh se", a tih ang khan rim taka thawk chuan a thawh rah seng chu a phu hliah hliah a ni. Midangte thawhrimna zar zo in hriselnan a tha thei leh thlai te mahni inchhung limah kan ei thei ta anih hi.
Chaw ei tui u le.
...khrum
Mahni postah comment ta mai ila. Pictures khi ka upload laiin a layout ka lo en lova, ka tidanglam thiam tawh si lova, anih ang ang khian min lo pawm sak mai teh u. Ka lawm em em e.
ReplyDelete...khrum
This comment has been removed by the author.
ReplyDeleteMit a tlai e, ei leh inah hian fimkhur a lo ngai khawp mai; hmanni Delhi ka kal chu kawngkam thil ka ei ka ngeih lova ka zal der asin le.
ReplyDeleteI postho chu ei ila ka ngeih ngawt ang, a bikin ar khi.
Hotupa i ti dik khawp mai, travellers diarrhoea i nei a ni ngei ang. kawngkama thil ei dawn chuan la lum sa vat vat ei hi a him deuh. Thei lampang ang chi anih chuan la vel loh ni ngei bawk se.
Delete...khrum
Ka ei châk hlir a ni mai ka ti! Serthlum te, balhla te, fu te, arsa te, mai te...ka ei châk vek! A enkawl leh sawngbawl danah hian awareness kan neih nasat deuh deuh a tul a nih hi. Good Post.
ReplyDeleteKu TSa, i rilrem zawng tak ni a maw. Mi hi in tha a, kan post te min hlut der sak thin a a lawmawm thin ngawt mai. Ni ngawt mai, organic farming, leitha etc hi kan dek lar zual angai khawp mai.
DeleteA market a awm that chuan thil hi chu an tharchhuak ve zel mai chu niin ka hria, kan tan tlan a ngai a ni ber mai e.
...khrum
Khi kutzungpui khi damlo engzat fakauva tamin nge thlamuanpui tawh a, engzat fakauvin nge dam phah tawh ang le?
ReplyDeleteI hmuhnawmin i zarah mit a tlai leh kher mai. Serthlum khi a va tui hmel ve le.
Mai hi a tha a niang.... ei loh lai tak tak pawh hi a lo awm meuh lo. A hnah, a par leh a rah kan duh hle a, Chakma ho hian a kung hi dangpuithu nen an bai thin bawk.
Hotupa Caribou, i ti lawmawm thin mang e. Engtikah nge i lo len dawn, thingpui tal te chu lo in ve la!
DeleteMai hi ka(n) duh khawp mai. Mai tai ban tak han kan phei hi chu a tui ve a nia. A kuang hi sangha nena huh deuh chepa kan te hian a tui reuh phian bawk. I blog lamah mai thatna han sep leh teh, nge ni a i lo ziak tel daih tawh zawk.
I comment avangin ka lawm em em e.
...khrum
Lo len a chakawm khawp mai. A zing-a-tlaiin i buai thei si a, kei lah zan lamah nau awih a ngai bawk nen..... in nu thingpui lum pawh in a chakawm alawm le.
DeleteHotupa weekend te chu kan awl ve chang a awm a lawm. Lo leng mawlh rawh, kan nu lum aiin ka lum a tui zawk maithei a sin. Ha ha. Leitlang bloggers ho la inhmuhkhawm tur a ni tiraw.
Delete...khrum
Eng ka sawi hman rih lo. Ka la rawn leng ang. Ka blog thar ka lo lawm kual zel phawt mai.
ReplyDeleteKu Hlon, helamah te i lo lut a i va ti tha thin ve. Lo leng leh ngei ngei ang che. I blog thar hmel chu hmuh a va chakawm ve le. Han ti zel rawh aw.
Delete...khrum
Post tha dangdai ngei mai, i thil rawn tarlan te khi ka heh em em deuh vek mai...!! Bengavrthlak lutuk topss
ReplyDeletePu Bee, ka blogah i rawn leng thin a ka lawm hle mai. kan chawhhmeh duhzawng a va inang awm ve a. Lo leng fo rawh khai.
Delete...khrum