Wednesday, January 25, 2012

Aizawl Pictionary

Tikhian a hming ka han phuah ve ringawt mai a, in ngaihdan erawh a dang mai thei. Reilote chhung aizawl ka cham laia ka vah kual vel na lama ka thlalak thenkhat hi lo en ve teh u. Thiapril tan chuan dawn a tisei maithei a ni. Thlirna tlang hrang hrang a thlir theih a ni a, lo thlir ve leh phawt mai teh u.




IT khawvelah kan zuanglut a, hetiang tower hi a tam ta hle mai. Hei hi inchhawng 4
a sang chung a awm a ni. In an sak lai khai hetiang load la tur hian an ruahman tel angem. Rikrum thilah eng ang tak ang maw te ka tia. Radiation hazards chu thudang ni ta sela.




Martarte thlanmual. Sum tam tak senga siam a ni ngei ang.
Tlawhtu an tlem hle a, visitors log book pawh enkawl loh a nih hmel.
Mizo nationalism tan a hmun hlu leh pawimawh, mitin ten a kan tlawh ngei atan
a duhawmah ka ngai. A awmna hre lo pawh kan la tam ka ring!




Lei tlahniam: A tlakhniam chhan hre eng ang mah ila, kumhlun
tur kawng siam a har tlat si. A helna ngaihtuah a ngai a ni mai lo maw.
Sum hnar tha tak erawh a ni an ti.




Zarkawt traffic point atanga High school field pan chhohna kawng
chhak lama hmawng zung inzam chiat. mawi ve angreng tak a ni.
Humhalh tlat chi a ni ta ve ang. Vengchhung a ti mawi tlat.




Awi ka rei!, tiin ka vai thian chuan a thlir vawng vawng. Thinthi chuan
fur khawchhe hnuaiah pawh zanmu chu an chhing a ni ngei awm si a.
A in neitu tak tak te hi an cheng ve em le te ka tia?




Khitiang a AIZAWL sipel ziak dik lo khi phailam kaihhnawih thil fakna
tarchhuahah khian hmuh tur a tam ta riau mai. Vei tham a tling tlat! mahni
vengah theuh siam tha turin hma han la ta mai ila.




Kan kawng te hi a chhuk chho in a kual kawi nasa si a, phai lam motor
lian leh sei, phur rit tak tak an tlan ve pur pur bawk sia, khitiang ang
khi hmuh tur a awm ta fo mai.


Kha te mai kha a ni e. Duh duh sawi a thiang e.

...khrum


22 comments:

  1. A thupui chu i vuah fuh kher mai! Pic 2 khi i la thiam ka ti. Rilru a hruai raih thei nia. Article a tling pha vekin ka hria, i thlalak rawn post zawng zawng hi. Keini'na kan kalpelh mai mai pawh hmuhnawm leh sawi zui theih tur hian in la thiam bik a, in fakawm khawp mai.

    'Read more' kha lo try rawh! Post tawh hnu pawh edit-in a dah theih a nia.

    ReplyDelete
    Replies
    1. Ku TS, nang nge nge i ti lawmawm thin khawp mai. Ka tum zet a ka pamtul leh a lawm. Ka thiamin a la tlin lo deuh nge ni. Hunawl deuhah ka lo ti leh ngei ang.

      ...khrum

      Delete
  2. Picture pakhatna khian ngaihtuah a ti tam khawp mai.
    An insak lai khian, khi tianga rit load la tura an duan ka ring hauh lo mai.
    Ka hriatsual loh chuan, Mizoram hi lirnghing hlauhawmna Zone 5 ah kan awm a. A risk a sang khawp mai.

    ReplyDelete
    Replies
    1. Ku Hlon, Pathianin zah a la ngai a, kan la heti mai mai zawk hi a ni ngei ang le.

      ...khrum

      Delete
  3. Lei tla hniam khi hel dawn ta ila khawi laiah nge kan hel ang ? pik a nalh hlawm>!

    ReplyDelete
    Replies
    1. Hotupa, nia tiraw, hel na a vang ngawt ang. tak tak a a tlahniam chin khi a zim si a, suspension bridge in a span zawh mai ka ring deuh. Chutiang te chuan han ti ta zawk se, a to deuh maithei a, nimahsela kumtin siamthat nana nuai tel teh meuh sen ral kha a tawp dawn a ni. I ti ve em?

      ...khrum

      Delete
  4. Thlalak a fiahfaiin thlir a nuam kher mai. Picture #2 ka hmuh khian, kan rama ngaihhlut tlak leh tlawh luih luih tlak nia kan ngaihte a lo inan loh zia ka hrechhuak. Pic #5 khi chu aw..... a building chhunga chengte tan a hlauhawm a, a hnuai kawngkama chengte tan lah a hlauhawm hlei hlei. Mangkhawng lianmi a va ni chiang tak em. Hei hian kan huaisenzia nge a lantir ang a kan athuai zia zawk aw????

    ReplyDelete
    Replies
    1. Hotupa, ni ngawt mai kan at huai nge, duhthlan tur kan neih loh vang zawk nge niang le.

      Ngaihhlut tur, kan thil hlutphung (value system) hi a inang lova, kan in sensitize pawh a ngai thar in ka hria.

      Khilai inchhawng hnuaia city bus a traffic jama tan khi ka hlau thei teh a nia.

      ...khrum

      Delete
  5. Va hmuhnawm hlawm ve maw le, tunlai chu thlalak lam i uar riau mai ka ti.

    1st pic. hi ka lo ngaimawh ve thin khawp mai.
    2nd pic. hi ka la hmu lo va ka hmu ve chak khawp mai.

    Thingzung hi a mawi phian hi le.

    ReplyDelete
    Replies
    1. Pu RP, nia, ziak lam kan ramtang thei vak si lova, thlalak beitham te te hi kan chhawpchhuak ve ta mai a ni.

      Tlawh ve a chi khawp ang.

      Post thar han herchhuak leh thuai zawk la aw.

      ...khrum

      Delete
  6. Ava awmzia hlawm ve aw!

    Martarte thlan khi ka la kal miah lo. Mizo nationalism hi awmzia ka ti lo a, kei thlan pawh hi tul ka ti lo.

    Tower leh a dangte khi ngaihdan ka nei vek mahse ka ziak vek lo mai ang.

    Photo hlu lutuk a ni, awmze nei tak tak vek an ni e!

    ReplyDelete
    Replies
    1. Krista ka blogah i lo leng a ka lawm e.
      Mizo nationalism hi chu a tha zawng a chawi nun a tha in ka hria. Hnam feeling ni lova, nihphung chawi nun ang zawng zawk in. Politicise lam lo deuh in.

      E, taka, khitiang tower radiation hazards khi a dik tak tak em, han ziak teh a.

      ...khrum

      Delete
  7. Ka khamlo mah mah a ni e. Tuikual kawngkawi lungtohlawt chunga insa khi uak

    ReplyDelete
    Replies
    1. Pu HV, kumthar chibai. Nang meuh ka bloga i lo leng lut chu a lawmawm hle mai. Lo leng fo rawh aw. Nia khilai kher kher khi chu a fuh lo ve ang reng a ni.

      Thlalak mawi tak tak han post leh teh khai.

      ...khrum

      Delete
  8. Pictionary hi kan khel nasa thei lutuk. Team hnih an awm a, keini conductor kan nia, kan inhau luai luai zel, game tawp lamah phei chuan lehkhachhia te'n kan invawm vak vak thin. A hlimawm.

    Chuan... i post tha e. Thlalak ho en a nuam. Martarte thlan khi i sawi ang deuh khian ka lo hre lar vaklo, tlawh chu khawilam. A thlalak erawh ka hmu zeuh zeuh. Kal ve tur a nih khi.

    ReplyDelete
    Replies
    1. Pi Aduh, ka blogah te i lo vak lut ve a, i va ti lawmawm tak em. Nia remchangah tlawh ve ngei ang che.

      I comment te a ropui e.

      ...khrum

      Delete
  9. Mawk hlawm hle mai. Chuan khi Zarkawt thingkung khi a mawi fal.

    ReplyDelete
    Replies
    1. Ka pi chu, ka blogah i lo lut a ka lawm e. Lo leng fo rawh khai.
      Nia, Zarkawt hmang zung khi chu humhalh tlak a dangdai a ni. Veng in humhalh tlat zel sela duhthusam a ni.

      ...khrum

      Delete
  10. A fiah tha hlawm hle mai, Aizawl kan hmu ve a ni ringawt alawm! Bakah pic ho i sawifiah dan khi a tha eee.

    Martar te thlan awmna ka hre lo! tlawh ve ngei chi a nih hi.. In hlauhawm deuh khi a hlauhawm eee..

    ReplyDelete
    Replies
    1. @Ma-i, ka blogah i lo leng a ka lawm e. I lo lut fo dawn nia. Nia, Martarte thlanmual khi a lar tur angin a lar lova, a hlutna ang turin kan hlt lo tlatin ka hria, ve mai mai a. Remchang hmasa berah i lo tlawh ve ngei dawn nia.

      ...khrum

      Delete
  11. I picture 5 na khi ka hlau thei a nia aw.. MZU kan kal lai khan nitin vawihnih Busin kan kal tlang ziah zel a, ruahsur lai a, khimi zawn chiaha traffic a jam phei chuan pawn ka dak chhuak sek zel. Pathian zarah khi a lo la ding ve reng a, a lawmawm e.

    ReplyDelete
  12. SRM Travels is considered as one of the reputed bus operators, which plies its buses from Chennai.SRM Travels is stated to ply the bus in the year 2000. SRM Travels of Bus Ticket Booking through Ticketgoose.com with simple money transaction procedures. Can also select seatsOnline Bus Ticket Bookingand also cancel Tickets Online.

    ReplyDelete