Midang ngaihdan enge ka hre ve lo va, an ngaihdan pawh ka zah khawp mai, ka ngaihdan erawh hetiang hi a ni thung, tiin kan tan ve thuai mai teh ang.
Tun hma lam khan doctor ten kan vehicle ah red cross kan tar thin a. Hun enge maw lai atang khan red cross tar kha red cross society leh war time activities tih lovah chuan tar kha an khap kha a nia, kan tar ta lo reng a. Tunah hian doctor te hian kan vehicle ah doctor kan ni tih lantir nan sticker kan tar ta thung a ni. Chu milem chu Asclepiusa tiang a rul invial hi a ni. Motor hma/hnungah kan tar fur a thenkhat te phei chuan a inchhawngin pahnih te pawh an tar a ni awm e. Chutiang bawkin advocate ho hian an profession symbol hi an tar ve bawk. Hetia chhinchhiahna tar hi a tul ber em aw tih hi zawhna pawimawh tak niin ka ngai a, tunlai phei chu ka ngaihtuah fo mai.
Hetia kan nihna kan motora kan tar hian a lantir chu a chiang sa; zawh buai ngai lovin midang ten kan nihna awlsam takin an hre mai a ni. Chu chuan kawng hrang hrangin remchanna a siam thin. Khawi lo kalna leh chhuahvah naah te pawh chet a awlsam phah hle thin. Rambuai deuh leh sipai lalna hmunah te phei chuan hetiang sticker bel hi ‘pass’ pawimawh tak a ni a, tangkai takin a hman theih bawk a ni.
Mizoram, ram ralmuang angah te chuan chutiang taka a tangkaina erawh a awm kher awm lo ve. Midangten kan nihna an hriat nan, sawi lovin kan nihna kan puanchhuahna hmanrua mai a ni. Mimal takin a tul na vak ka hre ta hauh lo mai, ka ngaihdan erawh a dik vek kher lo maithei bawk. Kan hnathawhna hmunah chuan motorah vehicle pass sticker kan tar tho va, doctor kan nihna sticker kha tar kha a tul tawh hranpa lo. Chuti a nih si chuan bel ta lo mai ila ka ti a, tunah chuan bel ka tum ta lo. Ka nihna chu ka hnathawhna hmunah zawh hrangpa ngai tawh lovin tangkai takin hmang ila, a bakah chuan midang ang tho a huang khata inhrutrual kha a tha maiin ka hria.
Ka ngaihdan hi ka thawhpui dangten an tawm kher lo maithei, tawm tur pawhin ka phut lo a, a dik ber pawh ka ti chuang lo, ka tan chuan a dik ka ti mai a ni. Midang ten an tar zel dawn a, chu pawh chu an tan chuan a pawi ka ti chuang lo, mahni duh dan theuh a kal mai kan ni. Dan leh sorkarin thuchhuah hial siam a tar tur a beisei kan ni tih leh tar ngei ngei tur a min ti te a la nih ngai chuan tar erawh kan la tar leh a ni mai ang chu. Chuti lo zawng, thiam bik nei chi tin mai hian kan hna bil bik chhinchhiahna hi kan la tar fur mai ang te ka ti mai mai a.
In ngaihdan enge le.
Ka lawm e.
J L Chongthu.
...khrum
Pu Khrum, i ngaihdan dan kha a tha a ni mai; a awmzia erawh han sawi zau la ka va ti em-keini ang laisen lungmawl tan...
ReplyDeleteKhitiang sticker khi ka hmu fo tawh na a, kei pawn a awmziaka hre bik miah lo. I ngaihdan hi ka pawm zawng tak a ni. hre bik miah lo. I ngaihdan hi ka pawm zawng tak a ni.
ReplyDeleteKan hotute pahnih chu in phawi rang hle mai. In ti lawmawm mang e.
ReplyDeleteA awmzia ber chu Doctor tih entirna symbol ah kan hmang a ni ber e. Tiang a rul in zem a ni. Hmakhawsang atanga hriselna lam entirnan a hman a ni.
Asclepius hi greek Pathian Apollo fapa a ni a, damdawi lam a mithiam leh hmingtha hmasa a ngaih a ni. A tiang a rul inzem hi ti hian hriselna lam entirnan hman niin doctor ten symbolah kan hmang zui ni ta ber in a lang. Thenkhatte phei chuan Mosian thlalera rul a khaikan entirna te pawh a ni an ti tho.
Ka sawi tum ber zawk chu, hetiang a professional qualification tihlanna hmanrua hi vantlang hmuh atana a zawng a za a hman hi tul ka ti lo ve tih mai a ni e.
Ka lawm e.
...khrum
Ka comment teh nuaih khi....... mobile atanga ka comment reng reng, khiti khian han awm zela maw le.
ReplyDeleteI rilru hi a chapo lo ve ngawt mai! Heti bakin comment dan tur ka hre lo! :-)
ReplyDeleteHotupa caribou, a pawi hlei nem. A dik loh pawn a sual chuang hlei nem.
ReplyDeleteKu TS, i comment vang hrim hrim in ka lawm e.
...khrum
Kei chu ka tar ngai lo hrim hrim ka motor chu a plain top ani mai i ngihdan hi kei pawh ka ngaihdan chiah a ni
ReplyDelete