Kan nau pakhat chuan mathematics a thiam thei tlat lo mai a, loh theih loh in private tuition kan laksak a, hma pawh a sawn chak hle mai a. A tuition lakna chu sorkar sikul zirtirtu a ni a, a thawhna sikul hunbi tibuai khawp a private a zirtir tur a nei a, school a kal tlai phah in a ban hma phah fo thin. He thil ka hmuh hian heng zawhna te hi ka rilruah a lo lut a, enge in ngaih ve dan le:
- Zirtirtu thiam tak a ni a, subject a harsatna nei te a bik takin a tanpui thin a ni tihna a ni ber. Nu leh pa tamtakin an fak luai luai a, fak pawh a phu a ni. Amaherawhchu a hnathawhna ber sikul hunbi kha a ma private hna in a tihbuai tak siah chuan; private tuition a pek chu sual a ni angem, thil tisual a ni angem, eiru a ni angem?
- Sikul pakhatah chauh a thawh theih miau avangin a thawh ve lohna sikul, mathematics zirtirtu tha nei ve ta lo a zirlaite tan chhuan chhawr ve theih na awmchhun chu private tuition a lo pek ve chauh khan a ni. Nu leh pa ten private tuition pe turin va ngen ta sela, a ni khan, "keichu ka hnathawhin min phuar tlat si a, ka thei lovang", lo ti ta bur mai sela; kan dem in kan ngei angem? In duh leh mite harsatna hriatthiampui lovah kan chhuah leh si angem?
Hetiang dinhmunah hian a hna a thiam bik vanga ding thei a ni miau si a, a sawiseltu tur leh phunnawi tur chu mipui bawk kan ni. A chan hi chhe ve tak a ni a sin. A dinhmun leh a in siamrem dan sawimawi/sawifel sak tum dawn pawhin a lam tang emaw, a eptu nih kha kan chan theih awmchhun chu a ni mai.
Hna kawng hrang hrangah hetiang harsatna hi a awm thei ngei ang. Pumpelh theih loh chin a awm ngei bawk ang. Chutiang a nih si avangin "i ngaihdan leh rawtnate" han sawi ve chhin teh le.
Ka lawm e.
...khrum
JL Chongthu
Kan c0mment hmasa ber teh ang. A thupui khi ka lo chhiar sual nge i ziak dik lo zawk, natna chi khat hming turah ka lo ngai ngawt pek a, tuition tih lam a ni ta daih si a, min bum chiang khawp mai.
ReplyDeleteDoctor sorkara thawk pvt clinic hawng pawh kan dem chuan loh chuan zirtirtu pawh an dem awm bikin ka hre lo. I sawi zirtirtu anga thiamna nei ni ta ila chuan keipawh ka hawng ve chiang khawp ang. A hlawka midangte tan tanpuitu kan ni dawn bok a.
Zirtirtu an tam, zirtirtu thiam bik, a zirtir dan hriatthiam awlsam bik an awm bawk. Tution hi ka pe ngai lova, pe peih an awm chuan a tha ka ti tho mai. Eiru miah lova mahni thiamna chhawr tangkaia side income an lo nei ve anih chuan a pawina ka hre miah lo. An hna erawh tibuai miah lo se.
ReplyDeleteI va zawt khirhkhan reuh ve mawle..!
ReplyDeleteKei chuan ama hna tibuai khawpa a tih chu ka lo support em em hleinem! A induhthawh takzet a nih chuan a hnabansan sela, bei law law sela te ka lo ti a.. Mahse, zirtirtu ni ta ila, ka ngaihdan chu a dang maithei tho bawk!
@Xingi: Hotupa, i ngaihdan chu ka tawm khawp mai, tin Caribou i phawi khalh tlat mai.
ReplyDelete@Caribou: Hotupa, i sawi dik khawp mai.
@Ku TSa: Nia, an dinhmunah din loh chuan hriatthiam mai a harsa viau reng a sin.
In ngaihdan in sawi avangin ka lawm em em e.
...khrum
Tuition an pek duh chuan in lama an hun awlah pe rawh se! An hna tibuai khawp erawh chuan pek a that ka ring lo! Extra a sum an lak luh ve na ani mai alawm. Hun awl hman that na kawng ni bawk si!
ReplyDeleteKhawvelah hian mi chi hnih hi kan awm miau a, a buaithlak thin a nih hi. Kei chuan a hna a tihbuai chuan a tha ka ti lo. A tihbuai loh erawh chuan a thu thu.
ReplyDeleteSorkar sikula thawk zirtirtu a nih chuan engemaw Dan fahrah te te chuan a phuar ka va'n ring deuh e.
ReplyDeletecaribou sawi ang khian ama hnain tawrh/bahlah phah lo se; side income neih theihna remchang a nih bakah midang tan malsawmna thlentu a ni thei a; kei chu pawi ta ti hran lo.
Pi Maisek, nia i sawi dik khawp mai. Mahni hna tibuai lo si, midang tan a malsawmna ni bawk si, hlawk bawk si.
ReplyDelete...khrum
@dolerich:Ka blog min lo tlawh sak a ka lawm e. Nia i ngaihdan khi kan tawm tlangpui a nih hmel hle mai.
ReplyDelete@dawldang: nia tiraw hotupa. Ngaihdan dik ber a sawi ngawt theih loh a ni ber e.
...khrum