Thian duhtak te, ka blog tlawmte rawn tlawh a comment hlu tak tak ziak thin te, a hmasain in zavai a chungah ka lawm em em a, "ka lawm e", kan ti teh ang. Pathian hruaina leh venhimna avang chauhin kum 2010 chu kan hmang zo leh tep chu a ni tawh mai. Krismas leh kumthar hmang tura in inbuatsaihnate Lalpan rem a tih ang zela malsawm in tih hlawhtlin sak theuh che u rawh se.
Keini chhung pawh Pathianin rem a tih chuan Ramthim, Assam lama kan kohhran mission field lamah Unaute rawngbawlna hmun hmuhpui pahin U-A-Ma khuang vuak kan tum ve e. Kan programme ang te kan tih hlawhtlin theihnan Pathian hnenah min lo dilpui leh min lo tawngtaipui fo ka ngen ve tawp mai e.
Ruahman anga Pathianin rem a tih chuan 23/12/10 hian Gauhati lam pana chhuah tum a ni. kan kal tumna chu chuta tanga Busa darkar 6 vel tlan chauh a ni e. Kohhranho leh mission field a rawngbawltu te nen a Pathian pawlna hun hlimawm tak leh malsawm tlak kan neih theih ngei kan beisei a ni.
Kan zinna turah hian internet connectivity a tha vak lova chuvang chuan comment hlu tak tak te pawh ka rawn chhang thei lo maithei a ni, min lo hrethiam dawn nia. Pathian zarah damte in kumthar te kan chuangkai leh anga, kan la reply leh diat diat a ni ngai ang chu. Chutiang bawkin in blog te pawh ka lo rial rei deuh a nih chuan min lo hrethiam bawk a niang chu.
Krismas hman mai piah lamah hian a remchan dan angin mission dispensary lamah free clinic buatsaihte rilru chuan a ruahman deuh, a hlawhtlinna chu Lalpa kutah a awm e. Chu bakah chuan phairam thingtlang khaw nun leh behbawm lam te thlalak a tam thei ang ber lak kan tum bawk aniang chu. Remchangah kan la phhochuak dawn nia.
Tlang hran mual hran a awm ni mah ila, ringtu te chu thlarau thianghlimin min phuarkhawm thin. Thlarau pawlna thar changa, kan nuna chhinchhiah tlak Krismas kan hman theuh theihna turin, in tawngtaisak tawnna kan mamawh ber a ni. Lalpan malsawmin, vengin awmpui theuh che u sela, hun hlimawm tak in lo hmang theuh dawn nia.
Krismas leh kumthar chibai theuh u le.
JL Chongthu.
khrum... :-)
ReplyDeleteHotupa, Ramthim lama Masi hman intum hi inti tha tlawt e! Rawngbawltute tan athlamaun thlak ngawt ang; hmanpuitu neih hi ahlu ania. Tluang takin in kal anga, report ngaihnawm deuh deuh kan la ngaichang nghal e!
khrum....
Ramthima krismas hman maw? Lunghlui i va han tileng ve le. Kei pawh chakma khua, mission field worker la awm miah lohna khuaah krismas kan hmang tawh asin. Nuamsa taka khawpui lama krismas hmang thei reng kha, mission field lamah i liam dawn a ni si a. Khawhar tak leh lungleng taka mahni field lama krismas hmang thinte, hmanpui duhna thinlung i nei hrim hrim kha a ropui. In nu pawh a tel ve ngei ka beisei. Hlimtakin christmas chu hmang ula, tichuan thlalak nalh tak tak kan beisei dawn tih kha theihnghilh loh tur a nia.
ReplyDeleteRamthim lamah hian masi ka la hmang ve miah lo. Masi laiin khawhar hnemah kan inkawmkhawm thin ang chu tih nak a lai in, a va khawharthlak dawn ve. Nuam tak leh tha tak, dam ver vawrin u-a-ma nang che.
ReplyDeleteti ropui leh dawn hle mai, thlalak kan lo chang ang, clinic zuk nei leh teuh la, an lawm ngawt ang..in chhungkua in duhsakna ka hlan a che u..God bless,merry christmas
ReplyDelete@Seki: Hotupa, i ti lawmawm thin e. Ni e, Pathianin rem a ti anga kumthar lamah kan la chhunzawm zel ang chu. Nang pawh Krismas leh Kumthar chibai le.
ReplyDelete@Caribou: Hotupa, nia tiraw, ramthim lama hman hi experience tha tak a ni, a la expi ve lote han hrilhfiah vak ngaihna a awmbawk si lova.In chhungkua in krismas leh kumthar chibai kan buk a che u.
@Xingi: Pathian in rem a tih chuan i la hmang ve 'tawk tawk' aniang chu. Dam te khan lo awm ula, Pathian nen in lo inkawm hlim dawn nia. Krismas leh kumthar chibai u le.
@Fela: In chhungkuain krismas leh kumthar chibai kan buk a che u. Inchhung lum luah na hun i nei tlem si a, chhungkua a hlim taka hun in hman ka duhsak hle a che.
...khrum