Masi thla han chuankai meuh chuan khua pawh a vawt ve tan ta riau mai. Patling pawh zan lam pangah chuan kekawr bul khup chen tal hak a ngai ve ta. Naktuk lama kan damlo zai tur te ka zirchiang a, ka thil chhiar tlem a zawng, tangkaipui an lo awm mial takin kan BLOG zuai teh ang tihna rilru in min bual leh tlat pek mai.
Ka thuziak tur hi internetah hmuh tur a awm a, magazines ah pawh chhiar tur a tam mai, amaherawhchu kan zawng a nih ngawt loh chuan kan chhiar zen zen dawn lo va, kan ngai pawimawh kher lovang. Chhungkuaa tar leh upa te nen a cheng ho kan nih chuan hriat ve mai mai atan erawh a tha hle ang. Heng te hi lo hre ve mai mai ta la.
Malpui ruh chuktuah tliak: India ramah statistics kan nei tha lo va, america, ram changkang zawka kan ngaih lam statistics hi lo thlir ho ta i la. USA ah chuan kum tin mihring 2,50,000 in an malpui ruh chuktuah an titliak a ni, a ram pum atan chuan a tam lo hle maithei. Mizoram mihring hmun li a then a hmun khat ang vel lai chu a ni lawi si. Health care a an sum sen tamna ber pawl pawh hetiang ruhtliak enkawl hi a ni.
Mipa ah chuan kum 72 leh hmeichhiaah chuan kum 77 bawr vel ah a tliak tlangpui. An standard of living (SOL) leh life expectency (LE) a sang a, a tliah hun a tlai mai a ni. Kan ram angah te hi chuan, kan economy, SOL, LE, leh chhan dang dang avang te in hei ai a hma daih a tliak thei turah hian a ngaih theih, dik pawh a dik tlangpui. Chuti a nih chuan kan khawtlangah susceptible population an tam ve sawt viau maithei a ni.
Heng ruhtliak zing a za a sawmriat (80%) hi chu hmeichhia an ni, a chhan bulpui ber chu Osteoporosis vang a ni (Post hmasa lamah ka ziak ve nual tawh a). A tam zawk te hi chu inchhungkhur a tluksual satliah palh mai mai vang a tliak a ni. Naupang lam deuh a hetiang ruhtliak hi chu motor accident leh thingkung/inchung sang atanga tlak vang te a ni tlangpui.
He ruhtliak hi ngaih pawimawh a tul em em na chhan chu:
- Ruhtliak zawng zawng belhkhawm a enkawlnaa senso za a sawmli panga (45%) vel hi hemi atan hian a ral thin a ni.
- Tar leh upa te nun; quality of life leh nitin a an nunphung/nunkawng (activities of daily living) nasa takin a ti thuanawp a, chhungkua leh mimal tan a buaithlak thei hle a ni.
- Hetiang ruhtliak tuar tan chuan a hnu leh a ruh dang tih tliah na chance a tam bik hle a ni.
- Ruhtliak enkawl chhung a khumbet leh che tha hleithei lova rei tak awm chang a awm thin, hemi kaihhnawih bawrhsawmna in a tlakbuak chuan a tuartu tan a hrehawm a, a enkawltu tan beisei a tawi hle thin.
- Hetiang ruh tliah hnu hi chuan life expectency nasa takin a tlahniam bawk thin.
A dang chu sawi tawh rih lo mai teh ang.
In inchhungkhurah emaw, in chhung hnai tak te, tar leh upate an awm a nih chuan; ei leh in tur i tlin phak ang a tha ei tir la, thawk hah lutuk lo a awm awl tir tum bawk la, an taksa in a tlin tawk awm te in exercise lak te i tihpui thin dawn nia. Chu mai bakah chuan, nitin an chet vel naah tluksual inchhuih bah palh awm lo turin fimkhur turin hrilh chamchi la, a theih chin chin ah i veng zel dawn nia.
Tar leh upate NGALFIMIN DAM RAWH SE.
...khrum
JL Chongthu.
Ruhchuktuah chu ruh pahnih in zawmna lai niin ka lo ngai deuh a. Malpui ruhchuktuah i tih hi khel bawr nge, khup zawk? Ruh tliak hi upa lam tan bik, a dam har bik deuh em?
ReplyDeletePost tha tak leh tangkai tak anih hi. Ka save hmak dawn e.
Vawin ka comment tha thei tlat lo. Ruh lampangah hian harsatna ka nei khat khawp mai. Medical lampang hi chu hetianga mahni tawng ngeia chhiar tur a awm hi a tha, doctor râwn dawn ila cheng za sen na tur a ni leh dawn ngei sia.
ReplyDeleteMizo damdawi ah chuan Thasuih leh Tluangngil hi ruh lampang na enkawl nan an hmang thin.
Caribou: Hotupa, nia malpui ruh tihnaah lo ngai mai rawh. I hrethiam tho a lawm. Tin, ka post a comment hmasaber nihna chu hei i chang ta der a lawm.
ReplyDeleteXingi: Hotupa, i vannei bik hle mai. Mizo damdawi lampang hi ka hre lo ve khawp mai. A hria te hian han thlawh lar viau ula a lawmawm viau ang.
...khrum
Zir pha ve miahlo paw'n kanlo chhinchhiah ve tura inthiamna min pe ve hi chu lawmawm duh tak a ni.A Medical term hi hriat vek a har thin a.(I ziak bikah ni lo hian)mahse a tangkaizia hi a thiam leh hresa ho hi chuan min hriatthiampui pha lo hialin ka ring.
ReplyDeleteE khai! A va bengvarthlak ve.. Kei pawh ka vannei a, ruhtliak hi ka la nei miah lo va.. Tar leh upate duat leh ngaihsak peih te, an duh zawng ang tuipui peih te a ngai khawpin ka hria.
ReplyDeletePi Ainawn, i ti lawmawm thin hle mai.
ReplyDeleteKu TS i vannei bik hle mai, ngalfimin lo dam mawlh ang che.
...khrum
@khumchikthei: I thurawn kha ka zawm a, "word verification" kha ka thaibo ta a. Tunah thurawn ka pe ve duh che."My blog list" kha han edit tha teh. Sort ah khan "most recently updated" kha click/select zawk teh. A fuh zawk daih ania aw.
ReplyDeleteNia hotupa Caribou, ni rawh se.
ReplyDelete...khrum
A van tha ve aw! keipawh ruh tliak chu ka la nei lova, mahse thu bengvarthlak tak anih hi! upat hnu hian ruh tliak a awl bakah a dam har avang hian fimkhur chu a ngai khawp mai! I titha e, chhiar a manhla hle mai!
ReplyDeletePi maisek, thank you. I blogah lah hian engmah i ziak ve duh mang si lova. I buai dan tur erawh ka ngaihruat thiam.
ReplyDelete...khrum