Thitin thla ni 29, 1975 zanlai rik hma deuh hret khan harsatna lutuk nei lo in ka nu in Lungsen khuaah, kan unau zinga upaber dawttu ni tur in min lo hringchhuak a, vawiin hi ka birthday a lo ni leh ta reng mai. Zoram khawvel kha America thlaa inkapkai titi khan a la chiahhneh hle avangin kan awmna khuaah pawh chuan Armstrong-ate pawh chu anmahni hriat leh tur ni hauh lo hian an lo lar phian mai a, min chhartunu Nurse senior ve tawh tak chuan, "a chumin a ngo tha biang buang em mai, Armstronga i ti mai ang u", min ti pek a; ka nu leh pa te chuan zawm ta lem lo chuan tuna ka hming putlai hi min sak sak ta zawk a ni.
Tunah chuan mihring kum chhiar dan chuan kum 35 lai chu ka lo ni ve ta reng mai, Pathian min hruainaah ka va lawm em. Ka piantirh atanga harsatna em em tlakbuak lova vawiin ni thleng nungdama min siam a min hruai rengtu LALPA chu fakin awm rawh se ka ti lo thei lo. Chutiang bawkin min hmangaihtu zawng zawng te, in mi hmangaihna ka rulseng hauh lo a che u; "ka lawm e", tih hi ka sawi ve theih tawk a ni e. Mihring hi kan rawn pianchhuah phat atanga sual kan nih lai hian, fuke leh thlakima piang thei a kan awm hrim hrim pawh hi a ropuia, damchhung lawmman a ni tih hi i hai lo ang u. Chu chuan kan birthday hlutzia min hriatnawn tir leh thin ngei bawk sela.
Hmeichhia leh mipa chi an han intawn mai piah lama, naute a rawn insiam dan te hi hrilhfiah thiam a har hle a ni. Science tawngkam bungraw kimin sawifiah mai kan tum leh thin, nimahsela a rawn induanchhuah dan erawh hrilhfiah thiam a har hle thung a ni. Nuin nau a lo pai a, thla kaw chhung tehmeuh mai chhul chhunga naute a lo thanchhoh dan leh fuke kim biai a a lo pianchhuah mai thin dan te hi kan zira, kan sawi thin. A rawn induanchhuah dan leh a hlawhtlinna chu mihring kutah a awm lo tih hi hai rual a ni lo. Hriatna kim nei a, fuke kim biai a kan lo pianchhuah hian nu leh pa te tan chuan khawvel a Rohluber tluk hial a hlu ni awm reng kan ni! A ropuina leh a mawina hi ngaihtuah chian chauhin kan hrechhuak zawk thin a ni. Chumi piah lam, hun inher zel ruala puitlin lam kawng kan zawh hian 'birthday' hlutna hi kan theihnghilh ta fo thin a ni.
Pathian min hmangaihtu ruat ang zel a he khawvel eng ka lo hmuh tan ve na ni, tuna ka dinhmun thleng thei tura rahbi ka rah ve tan ni hi ka nuna a hlutzia leh a tel lo chuan ka tan "TUN HUN" hi a awm thei hauh lo a ni tih hre thar lehin mahni leh mahni "Birthday duhsakna sangber", ka inhlan nawn mawlh mawlh mai a ni.
"HAPPY BIRTHDAY TO ME"
J L Chongthu
29/08/2010, 0001 hrs
Happy Bday to you. Pathianin mihring a siam dan hi ropui ngawt asin, Lal Davida ngei pawh khan Hlauhawm tak leh Mak taka siam ka ni a tih reng kha, hei hian a sawifiah berin ka hre mai..
ReplyDelete@Varte: Ka lawm e. Ka blog i rawn tlawh a i ti lawmawm e. Ni e, Nungdama kan awm hi lawm nachang hriatloh mai palh hi a awl thin a ni.
ReplyDeleteHappy Birthday to you...i inpuang bawkah! Wishing you love and happiness always.
ReplyDelete@Anon: Thank you wishing you the same for your day.
ReplyDeleteEheu! ka tlai hret! Mahse, happy Birthday tiin ka rawn wish ve a che. "Amah avangin kan nung, kan che, kan awm", a ni si a, Ama tan i nungin, i che in, i awm ve zel ang u. Lalpan malsawmnain vur zel che se la, vengin awmpuiin tanpui zel che rawh se tiin duhsakna sang ber ka rawn hlan ve a che.
ReplyDeleteBelated Happy Birthday! May you live long and happiness always.
ReplyDeleteHappy Birthday to you, happy birthday to you, happy birthday dear Khumchikthei, Happy Birthday to You.....
ReplyDeleteMay the Lord continue to bless you, guide you and protect you always. God bless you. :-)
@Ralte: Ka lawm vul chuk e. ka blog i rawn tlawh a i ti lawmawm hle mai. I blog chhiar a nuam hle. I duh duh hunah lo leng thin dawn nia.
ReplyDelete@Irene:Thank you, Pathianin rem a tih chuan dam i hauh phawt mai ang.
@Anon: Thank you, thank you, thank you. God bless you and guide you too.