Zanin ruah a tla bang thei lo, chhunlam lehkha chhiar ning deuh bawk nen! Mut a la chhuak lo zui!! Rilruah lehkhazir a lang lo tlat, post kan chhuah mai mai teh ang. Ka blog a hmuar takngial dawn.
"Hlimna hi sumin a lei theih loh", ti chuan sum a nei tam tawk tak tak lo anih chu!, an ti. In ngaihdan enge ka hre lem hlei lova, tehfung a zirin a dikna chin te pawh a lo awm mahna. Hriselna te pawh hi engemaw chenah chuan sum hian a lo lei theih emaw ni chu aw ka ti, theih chiang e. Nunna erawh a lei theih loh, em?
Chhan a va har ve le! Kan thianpa pakhat chu Bus atang a tla a, ka pawh chhawn lovin a thi nghal titih deuh der a, lek lek. A lung a la phu det det. Vai vawih aia rangin Hospitalah kan hruai nghal a, engtin tin emaw chuan a lungphu chu kan stabilise a. Nikhaw hre lovin a awm a, a thaw thei tlat lo. Ventilator hmangin kan thawk tir a. A thluak lamah nasa takin a lo insawh hliam a, thi tling nen damchhuak tawh lo tur tih a hriat mai. A lungphu a hniam apiang khan damdawi hmangin an tichak leh zung zung mai. Thawk pawh a ngai bawk si lo. Dam si lovin, thi si lovin a nung reng anih chu. Sum sen erawh a tam hle thung, nitin enkawlna kha cheng 8000/= vel a ni ta in ka hria (2003 daih tawh kha a nia). A Pa fapa mal a ni, sum lamah an harsa lo, kumkhat pawh tikhan dah sela an thei hrim hrim ang. Amaherawhchu, mihring taksa chuan a tlin loh chin a lo awm ve ta a, karhnih hnuah chuan min liam san ta a. Sum chuan nunna chu a lei thei lo, pawh erawh a lo pawt sei thei ngei mai ka ti ta.
Engvangin nge hei hi ka han sawi tak chiam le. Nitin a thil hrang hrang ka tawn a ka thil tawnhriat beitham ve tak tak te mai vang a ni. Helai hi i chhiar thleng anih chuan han chhiar zel teh, phawt mai a.
Tlem lai deuh khan naupang damlo pahnih kan enkawl a, an chanchin tlemte hi kan sawi ange. Ruh cancer vei ve ve an ni; pakhat chu a ban veilam, pakhat a ke dinglam. Cancer thang chak tak chi a la ni zui. Zai dawn pawh a zai chi tawh loh, chemotherapy pek a tlema a zia deuh hnu a a na leh a hrehawm zualpui reh theihna tur a zai theih tura kan ruahman a ni. Nimahsela chhungkaw berh leh rethei tak an ni ve ve a, sum leh pai nei lo, in leh lo, ran leh ram sum a chantir tur pawh nei lo an ni. An tan damdawi man to ngaihtuah ngaihna a awm hauh lo.
Enkawl dan tur chu kan hria, a hmanrua kan nei tlat lo a ni. Nu leh pa ten an fate chu an hmangaih, amaherawhchu hmangaihna bak kha an nei bawk si lo. Pathianin an na tuar hrehawm lutuk phal lo in rei lo teah a hnenah a hruai ta zawk a ni. Ka ngaihtuah a:
Sum duhtawk a hmantur chu awm sela, khati ngawt lo deuh khan, hrehawm lutuk tuar lovin min tin san thei tur ania te ka ti rilru mai mai a. Dik tak chuan damlo thi mai tur te pawh hian an mimal zahawmna bo lova chanhai leh chan chhe lutuk lova liam hi an phu ve te ka ti mai mai a. Enge in ngaih ve dan le.
Thihna hi tuman kan pumpelh dawn lo. Nunna hi a hlu, sum a lei theih loh a ni. Hawilo par tawn tur theuh hi, a thenin rose par an tawn lai in a then erawh chuan derhken khawro pawh kan tawn pha ve dawn lo anih ngei hi maw. I sum neih leh khawl tun atanga tlem tal kha mi rethei te tan i hmang dawn nia... daih mai a.
[NB: Kan ziah buai nuaih mai chu, a thlitfim dan in lo thiam mai dawn nia.]
...khrum
JL Chongthu
"Hlimna hi sumin a lei theih loh", ti chuan sum a nei tam tawk tak tak lo anih chu!, an ti. In ngaihdan enge ka hre lem hlei lova, tehfung a zirin a dikna chin te pawh a lo awm mahna. Hriselna te pawh hi engemaw chenah chuan sum hian a lo lei theih emaw ni chu aw ka ti, theih chiang e. Nunna erawh a lei theih loh, em?
Chhan a va har ve le! Kan thianpa pakhat chu Bus atang a tla a, ka pawh chhawn lovin a thi nghal titih deuh der a, lek lek. A lung a la phu det det. Vai vawih aia rangin Hospitalah kan hruai nghal a, engtin tin emaw chuan a lungphu chu kan stabilise a. Nikhaw hre lovin a awm a, a thaw thei tlat lo. Ventilator hmangin kan thawk tir a. A thluak lamah nasa takin a lo insawh hliam a, thi tling nen damchhuak tawh lo tur tih a hriat mai. A lungphu a hniam apiang khan damdawi hmangin an tichak leh zung zung mai. Thawk pawh a ngai bawk si lo. Dam si lovin, thi si lovin a nung reng anih chu. Sum sen erawh a tam hle thung, nitin enkawlna kha cheng 8000/= vel a ni ta in ka hria (2003 daih tawh kha a nia). A Pa fapa mal a ni, sum lamah an harsa lo, kumkhat pawh tikhan dah sela an thei hrim hrim ang. Amaherawhchu, mihring taksa chuan a tlin loh chin a lo awm ve ta a, karhnih hnuah chuan min liam san ta a. Sum chuan nunna chu a lei thei lo, pawh erawh a lo pawt sei thei ngei mai ka ti ta.
Engvangin nge hei hi ka han sawi tak chiam le. Nitin a thil hrang hrang ka tawn a ka thil tawnhriat beitham ve tak tak te mai vang a ni. Helai hi i chhiar thleng anih chuan han chhiar zel teh, phawt mai a.
Tlem lai deuh khan naupang damlo pahnih kan enkawl a, an chanchin tlemte hi kan sawi ange. Ruh cancer vei ve ve an ni; pakhat chu a ban veilam, pakhat a ke dinglam. Cancer thang chak tak chi a la ni zui. Zai dawn pawh a zai chi tawh loh, chemotherapy pek a tlema a zia deuh hnu a a na leh a hrehawm zualpui reh theihna tur a zai theih tura kan ruahman a ni. Nimahsela chhungkaw berh leh rethei tak an ni ve ve a, sum leh pai nei lo, in leh lo, ran leh ram sum a chantir tur pawh nei lo an ni. An tan damdawi man to ngaihtuah ngaihna a awm hauh lo.
Enkawl dan tur chu kan hria, a hmanrua kan nei tlat lo a ni. Nu leh pa ten an fate chu an hmangaih, amaherawhchu hmangaihna bak kha an nei bawk si lo. Pathianin an na tuar hrehawm lutuk phal lo in rei lo teah a hnenah a hruai ta zawk a ni. Ka ngaihtuah a:
Sum duhtawk a hmantur chu awm sela, khati ngawt lo deuh khan, hrehawm lutuk tuar lovin min tin san thei tur ania te ka ti rilru mai mai a. Dik tak chuan damlo thi mai tur te pawh hian an mimal zahawmna bo lova chanhai leh chan chhe lutuk lova liam hi an phu ve te ka ti mai mai a. Enge in ngaih ve dan le.
Thihna hi tuman kan pumpelh dawn lo. Nunna hi a hlu, sum a lei theih loh a ni. Hawilo par tawn tur theuh hi, a thenin rose par an tawn lai in a then erawh chuan derhken khawro pawh kan tawn pha ve dawn lo anih ngei hi maw. I sum neih leh khawl tun atanga tlem tal kha mi rethei te tan i hmang dawn nia... daih mai a.
[NB: Kan ziah buai nuaih mai chu, a thlitfim dan in lo thiam mai dawn nia.]
...khrum
JL Chongthu
Hlimna hi sum hmangin a lei theih dan chu a awm ve tho mai. Sum hian thil a ti thei em mai, khawsak nawmna leh hlimna hi a lei theih ka ring tlat.
ReplyDeleteNunna leh thihna chungchang chu kan thu a ni lo na a, enge maw chen chu sum hian thil a ti thei khawp mai. Pa pakhat pawh a lu ah hnai a awm a, siak chhuah a ngai a. Doctor te'n Gauhati ah an refer a, a kal theih chuan a dam mai an ring. Mahse an kal thei tlat lo. Sum an inlak khawl ngah hmain famdairial changin rihsang mual a liam ta. Pawisa nei im em chu nise a nunna kha chhan theih reng nia ngaih a ni.
Hotupa, i thuziak hian ngaihtuah a ti thui khawp mai. Thuziak tha tak anih hi.
Hotupa chu, keiin saw lamah ka lo phawi hmasa a nangin helamah maw, kan va inrul tawk ve le. I ti lawmawm e.
ReplyDeleteMangkhrum le.
...khrum
I ziak tha khawp mai. I experience atanga i ziah a nih avangin a chiang leh zual. Thihnaah chuan mi lian leh mi te chu thuhmun vek kan ni, a lian deuh erawh ropui taka thlah an ni thin. Pa mithmuhah chuan an lian zawk kher lo. Damlo na tuar mangang hmel hi hmuh har ka ti thin. Tun kum 3/4 chhung khan ka thian kawm ngeih em em 3 lai chuan min boralsan tawh a, ngaihtuahna a thui duh khawp mai. I post chungchangah erawh chuan ngaihdan ka nei thiam lo!
ReplyDeleteKu TS, ka blog i lo la hria a ka lawm e. Nia thihna hi "hrutrualtu" an lo ti reng a ni.
ReplyDeleteI lusun khawharna Lalpan hnem zel che rawh se. Thil mak deuh deuh ka la rawn ziak zel ang, i post ang em em a mak chu ni lo mahse.
...khrum
Ka ngaidan takah chuan pawisa hian thil a tithei a, nunna chu lei thei lo mahse a liam mai tur chu a pawtsei thei a ni. Tin, hlimna pawh hi sum vang hian nasa takin a pung thei, chhungka rethei tak ai chuan mamawh ang zawng lei mai thei te hi an hlim zawkin ka hria, sum leh pai ngah,hausa kan han tih ang chi-ah pawh hian mahni kut kawih ngeia hausa te hi an awhawmin an hmui ngil zawk bawkin ka hria.
ReplyDeleteThihna chungchangah chuan, eng natna pawh nise an hnuk chah dawna na lutuk tuar lova awm te hi an vannei ka ti. Ka thih dawnah pawh chutiang chuan awm thei ila ka duh khawp mai, natak tuara rei tak dam hi ka hlauh zawng tak a ni.
Ku Triple: I sawi dik khawp mai. Mi hausa si, fel si, tlawmngai si, Pathian hre si te hlei hlei hi a nia awhawm ni. Amaherawhchu a nazawng chuan sum nei leh hausa hi chu an hlim vek hauh lo. balance thiam a ngai viau ang.
ReplyDeleteI comment hlu tak avangin ka lawm e.
...khrum