Muthlu chu muhil si lo, meng bawk si lo hi a ni tih kan hre theuh awm e. Harhfim emaw, muhil tehfung hmanga teh chuan tui lai rap a ni ngei ang. Muthlu chu dinhmun laklawh a ding, nihnaa chiang lo, duh dan anga awm lo a ni. A hun leh hmun pawh thliar thei lo khawp a mahni duh dan ang lo tak a awm an ni fo thin.
Muthlu chuan a tum reng vang ni lovin, amaha nawr tu emaw, mawlh tu emaw a awm avangin meng thei lovin a mit a chhing thin a ni, chu mawlhtu chu mutchhuak a ni. Hun bi nei a taksa kalphung a insiksawi thin avangin hunbi nei takah mi an mu in an tho thin. Chutiang kalphung pangngai chu mi hrisel thate nihphung a ni. Chutih rual chuan zan men rei vang te, zan mut that loh vang te leh chhan dang hrang hrang avang ten mi a hun lo takah an mut a chhuak a, an muhil thin a ni. Mi thenkhatte phei chuan thatchhiat vang leh inthlahdah vang te pawh an ti, hei hi chu dik tluantlingah kei chuan ka pawm ve tlat lo!
Eng pawh chu lo ni se, mi a mutthluk chuan, a harhfim lo a, a muhil lo bawk a ni tih chu kan chiang e. Awm na hmun leh mutthlukna hmun azirin muthlu nih chu a mawi lo thei fo thin. Chuvang chu a ni ngei ang mi thenkhat ten khitiang ngaihdan te khi an neih. Taksa hahchawlhna hun tur pathianin a duan zan hunah, khum laizawla thinthi a han mut siai siai mai tluk hi a awm lo. Zan mu tur a mahni khum laizawla zal chuan mutthluk lam kan ngaihtuah tawh ngai lo, kan muhil mai thin. Chuti a nih si chuan muthlu nih chu a hun leh hmun lo taka thil ti nihna te pawh a ang zawmah lo maw? Enge in ngaih ve dan le?
Rinna nunah ngat phei chuan inring renga awm tur kan ni si a. Mutthluk pawizia chu kan hriat theuh kha, Eutuka pawh a muthlu vei a, a ring ruh sawh tliak khawpin tukverhah a tlak mai kha. Kan nitin nunah leh hnathawhnaah te hian kan muthlu em? Kan hanthawh tur thawk anga lang si, thawk tak tak si lo, belhchian dawn a, a lem lo ni mai si hian kan lo muthlu ve em tih hi inzawh nawn fo a tha hle mai. E khai, nang chu i muthlu lo anih hi, hei i chhiarchhuak chu a ni mai a lawm. Meng la chhing suh lem.
...khrum
Mutchhuak tawngkhawng vanga mutthluk hi chu a tawrhhlelhawm ve asin aw. Mutthluk dan chi hrang hrang, hnar ri bur bur te, vanvadak meuhva muthlu te, chilthli thlauh duah duah te, mutthluk mai pawh duhtawk lova tho a zui ta mai te, muthlu ang sen duai te pawh ka hmu fo mai. Chu zawng ai chuan Rinna lama i kuailut daih khi i thiam khawp mai.
ReplyDeleteHotupa, i blog hi i tuaihnum khat deuh mah mah ani. A khawharthlak em mai. Rheumatic arthritis lampang te hi lo ziak teh.
Bike khalh chung hian ka mutthlu thei nia maw le. Mahse ka hlauh em avang hian a chhuah phawt chuan ka ding tawp tawh zawk.
ReplyDeleteMutthluk hi peptic ulcer vang hian a tam duh riau chuan ka hria.
Chhing thlazen hi chu an awm ve chiang...ka ni deuh.
A tha hle mai. Nia, i ziah ang khian mutthluk mai mai hi a hmun a zirin a pawi thei khawp mai. Class room-ah chuan hrem kan tawh phah thei. Hnathawhnaah chuan thatchhia nih hlawhna a ni a. Inkhawmnaah erawh mipui thutna lam thu muthlute chu kan inhrethiam deuh emawni chu aw ka ti. An hnar chhuah erawh chuan a zahthlak duh viau.
ReplyDeleteMut hmunah harh chiang hlei lovin i blog ka sik hawng a, ka harh kawk mai!
Thiante u ka blog in lo la hria a ka lawm e. Taihmak hi a har hle mai.
ReplyDelete@Caribou: nia hotupa ka lo tum dawn nia, ka thatchhe em a ni.
@Rp: Hotupa i sawi takah chuan hman niah tlangval pakhat ke ruh tliak an rawn hruai a; ' ka bike khalh ka muthlu pek a', a tih chu maw le.
@Ku TS: mawmbati zu tut te khan i lo muthlu ve ange aw.
Blog nuam theuh u le.
...khrum
Thau lutuk ho hian mutthluk an ching thin.Heng ho hian Obstructive Sleep Apnoea Syndrome an nei a,zan an mut hian an an miththilh chiah hian an hrawk vela tihral a in relax a thawk dawt a hnawh a thawchham vangin rei vak lo an harh a tihrawl in sangmar lehin thawkna dawt a clear leh a an han muhil leh a chuting zel chuan ani a zankhua a mu chung pawn an mu tha lo hle a a tukah an fresh loh avangin nilengin chutiang chuan an muthlu reng mai ani an ti.
ReplyDelete@Dr Who: Ka blogah i lo leng a, ka lawm e. I comment a bengvarthlak hle mai. I lo leng fo dawn nia aw. Blog nuam le.
ReplyDelete...khrum
Ka hrechiang ta bawk chea ka lo comment ve tawh ang e..:)
ReplyDeleteI ziak ngaihnawm hle mai. I tihtawp an pawh a tha.
E, Krista lo leng fo rawh, i ti lawmawm hle mai. Nangni ang mi ril titi kotlang a dah ve te hi kan chak teh a nia. Inthlahrung hauh lo khan i lo ri ve bawrh bawrh thin dawn nia.
ReplyDelete...khrum